Trétækniráðgjöf slf.
þar sem Eiríkur Þorsteinsson býður upp á sérhæfða ráðgjafarþjónustu í sambandi við timbur og timburvinnslu.
Á þessari vefsíðu er leitast við að veita sem bestar upplýsingar um það sem viðkemur timbri og timburvinnslu.
Hér safnast upp fróðleikur en ekki daglegar fréttir.
Nokkuð nýtt?
Málþingið Sól*Kol er um kolefnisbindingar og skógrækt – Var haldið að Sólheimum í Grímsnesi föstudaginn 9. maí 2025 og tókst með ágætum. Frábærir fyrirlesarar og góð mæting.
Sjá umfjöllun í Bændablaðinu frá 1. maí á síðu 22.
"Haldið verður eins dags málþing um málefni kolefnisbindingar með skógrækt á skýran máta og málþingið verður haldið í Vigdísarhúsi að Sólheimum í Grímsnesi.
Leitast verður við að kynna alla þætti sem eru í vinnslu varðandi málefnið, í hverju það felst og hverjir geti tekið þátt og haft áhrif og hverjir njóta góðs af."
27.3.2025: Fagráðstefna skógræktar 2025 fór fram á Hallormsstað dagana 26. og 27. mars sl. og bar heitið Frá plöntu til planka. Dagskrá ráðstefnunnar og aðrar upplýsingar má finna á heimasíðu Lands og skóga.
Eiríkur var með erindi seinni daginn sem bar heitið CE-vottun á timbri. Nánar má tengjast efninu á síðunni Fræðsla.
14.3.2025: Fyrsta verklega prófið í styrkflokkun á timbri fór fram föstudaginn 14. mars 2025 hjá Iðunni fræðslusetri og luku þá sex nemendur prófi í styrkflokkun á timbri fyrir burðarvirki.
10.03.2025: Nú er líka kominn flýtilisti, Yfirlitið undir forsíðunni þar sem nánari lýsing er á hverjum þætti. Yfirlitið í fellilista fyrir símaútgáfuna er að finna hér neðst á síðunni.
02.03.2025: Komið er plaggat með myndum af kvistum og öðrum eiginleikum timburs sem hefur áhrif í flokkun á timbri. Það er neðst á síðunni hjá bókinni Gæðafjalir.
29.01.2025: CE-merkingar fyrir viðarvinnslur.
Verkefnið er styrkt af Aski-mannvirkjasjóði.
Útgáfa lokaskýrslu 29. janúar 2025.
Skýrsluna má finna undir Útgáfa-Sérrit.
13.01.2025:Námskeið í Flokkun á timbri - Útlitsflokkun og styrkflokkun - netnámskeið hófst hjá Iðunni fræðslusetri þann 13. janúar síðastliðinn.
Námskeiðið fer eingöngu fram á netinu og lýkur svo með prófi/verklegri flokkun fyrir þau sem vilja öðlast réttindi til að styrkflokka timbur.
Sjá nánar á heimasíðu Iðunnar fræðsluseturs iðan.is.
Kennsla fer fram með fyrirlestrum Eiríks Þorsteinssonar á myndböndum og samkvæmt bókinni Gæðafjalir-Viðskiptaflokkun á timbri úr barrtrjám og Rb blaði RNHi 1.01.2-1998.
Flokkun á timbri
Timburafurðir sem eru nýttar í mannvirkjagerð skiptast í tvo flokka, annars vegar afurðir sem eru nýttar fyrir burðarvirki og hins vegar timbur þar sem útlit skiptir máli.
Timburafurðir eru flokkaðar samkvæmt flokkunarkerfi sem á Norðurlöndum er kallað viðskiptaflokkun og fjallað er um í bókinni Handelssortering av trävaror.
Bókin hefur verið þýdd yfir á íslensku og kallast Gæðafjalir – Viðskiptaflokkun á timbri úr barrtrjám.
Flokkarnir sem eru gefnir upp í bókinni spegla annars vegar einsleita eiginleika og einkenni barrtrjáa og hins vegar getu sögunarmylla til að framleiða í stöðugum gæðum og afgreiða timburafurðir sem uppfylla kröfur og eftirspurn neytandans samkvæmt útliti eða styrk.
Flokkunin er verkfæri þar sem timbur er sagað og flokkað eftir eiginleikum timbursins.
Útgáfa - Sérrit
Hér eru upplýsingar og tengingar í útgefið efni sem við höfum unnið í samstarfi við aðra.
Efnið hefur ýmist verið gefið út rafrænt eða á pappír eða hvort tveggja.
Má þar helst nefna CE-merkingar fyrir viðarvinnslur og ritið Rétt notkun á timbri þar sem til er mynd af byggingu úr timbri og dæmi um val á timbri og heiti eininganna.
Síðan eru sérritin þ.e.a.s. öll RB blöðin um viðartegundir og svo önnur sérrit sem eru mjög áhugaverð fyrir áhugamenn um timbur og timburvinnslu.
Myndir
Hér eru lógóin okkar og myndir sem varða verkin okkar, timbur og timburvinnslu.
Ráðgjöf
Hér eru ýmsar upplýsingar um verkefni sem Eiríkur hefur unnið við varðandi ráðgjöf við val og mat á timbri og vitnað er í skýrslur og greinar þar um.
Meðal annars er þar fjallað um:
* Límtrésbita úr íslensku timbri
* Melaskólaverkefnið
* Myglu
* Parket
* Þurrkun á timbri
Myndir
Hér eru lógóin okkar og myndir sem varða verkin okkar, timbur og timburvinnslu.
Fræðsla
Fræðslan inniheldur ýmsar greinar sem Eiríkur hefur skrifað í blöð og flutt á fyrirlestrum en annað útgefið efni er undir Útgáfa.
Einnig eru hér tengingar í áhugaverðar vefsíður og annað efni sem tengist okkar málefnum.
Þar eru til dæmis tengingar í kennslusíðu TreProX verkefnisins á ensku en þar er fjallað um skógarumhirðu, sögun, þurrkun, staðla, timburvinnslu og verkefnið Grænni skógar.
Erasmus+ verkefninu sem hófst árið 2019 og fékk vinnuheitið TreProX og var þriggja ára verkefni, lauk árið 2023.
Trétækniráðgjöf slf. var að vinna í því í samvinnu við Landbúnaðarháskóla Íslands, Skógræktina, Landssamtök skógareigenda, Kaupmannahafnarháskóla og Linné háskólann í Svíþjóð.
Landbúnaðarháskólinn var umsóknaraðili verkefnisins og var umsjónaraðili þess og sá um verkstjórn.
Sérstök heimasíða er fyrir verkefnið TreProX þar sem finna má allar upplýsingar sem varða verkefnið.
Bókin Gæðafjalir - Viðskiptaflokkun á timbri úr barrtrjám var fyrsta afurð verkefnisins.
Fyrsta námskeiðið (workshop) var haldið á Íslandi í október 2021, annað var haldið í Svíþjóð í maí 2022 og loks var það þriðja haldið í Danmörku í september 2022.
Sjá má myndir og myndbönd frá námskeiðunum á heimasíðu verkefnisins www.treprox.eu með því að smella á lógóið hér efst í þessum reit
Timburorðasafnið í Íðorðabankanum
Timburorðasafn sem unnið var í samvinnu Norðurlandanna má finna í Íðorðabankanum hjá Árnastofnun og var íslenski hlutinn unninn af Eiríki Þorsteinssyni – Trétækniráðgjöf og er hann eingöngu til í þessari netútgáfu.
Endilega hafðu samband: timbur”hjá”timbur.is/eiki”hjá”timbur.is
eða við Eirík í síma 892-1248.
Hér eru fellilistar undir fyrirsögnum ætlaðir fyrir skoðun síðunnar í farsímum.
8.5.2025
Trétækniráðgjöf slf.
Þjónusta
Tengsl
Trétækniráðgjöf slf.
Laugarásvegur 47
104 Reykjavík
Sími: 892 1248
Netfang: timbur “hjá” timbur.is
www.timbur.is
Banki: 515-26-680212
Kt. 680212-2010
Vsk. 110380
Contact Info
Wood Technology
Laugarásvegur 47
IS-104 ReykjavíkIceland