Flokkun á timbri
Skógarafurðir ehf. fóru í gegnum úttekt á framleiðsluhandbók 26.5.2026 og eru hér með fyrsta fyrirtækið á Íslandi með réttindi til að styrkflokka íslenskt timbur sem burðarvið.
Eins og fram kemur á forsíðunni hafa þrjú verkleg próf verið haldin í styrkflokkun á timbri það sem af er árinu 2026. Það fyrsta var haldið í Reykjavík, næsta á Egilsstöðum og það þriðja var haldið í Reykjavík. Alls hafa 24 komið í próf og staðist verklegt próf. Til að fyrirtæki geti selt efni sem er styrkflokkað þarf það að vera með viðurkennda framleiðsluhandbók.
Skógarafurðir ehf. sem eru fyrir austan munu fara í gegnum úttekt þriðjudaginn 26. mai 2026 og ef þeir standast úttektina eru Skógarafurðir ehf. fyrsta fyrirtækið hér á landi sem uppfyllir kröfur til framleiðslu á efni í burðarvið fyrir byggingar. Hér fyrir neðan má sjá nöfn þeirra sem hafa tekið prófið.
Teitur Björgvinsson frá Skógræktarfélagi Reykjavíkur aðstoðaði við prófið þann 15.05.2026.
Nauðsynlegt er að flokka timbur eftir því hvar á að nota það, sem burðarvirki eða til annars þar sem útlit skiptir meira máli og kallast útlitsflokkunin þá viðskiptaflokkun og út á hana gengur bókin Gæðafjalir.
Hér er tenging í upplýsingar um framgang verkefnisins CE-merkingar fyrir viðarvinnslur sem getið er um á forsíðunni og fundinn sem haldinn var á Egilsstöðum 20.8.2025 og þann sem var haldinn á Reykjum 9.10.2025 og kallaðist Timburmenn – Burðarvirki en heitir nú: Viðarmiðlun
Timbur sem er notað í burðarvirki er styrkflokkað samkvæmt staðlinum ÍST-INSTA 142:2009.
Timbur sem er notað í annað en burðarvirki er flokkað og skilgreint eftir þörfum notandans og eru þeir flokkar skilgreindir í bókinni Gæðafjalir – Viðskiptaflokkun á timbri úr barrtrjám.